ჩვენ მხარეში იდუმალი მღვიმეებია, გასაოცარი კანიონები. რობინ ჰუდის კოლხურ ანალოგს, მაცი ხვიტიას, რუხისა და სხვა, ათობით ციხეში იპოვით. სამეგრელოს ბარისა და სვანეთის მთის კონტრასტი, ხუროთმოძღვრების იშვიათი ნიმუშები, ციხე დარბაზები, საგვარეულო კოშკები გაგაოცებთ!

აქ არ ვებრძვით ქარის წისქვილებს, თუმცა, ენგურის გრანდიოზულ კაშხალზე ნახავთ, როგორ ვიმორჩილებთ წყლის სტიქიას!  აქ შენდება ანაკლიის ღრმაწყლოვანი პორტი!

პოზიტიურ შთაბეჭდილებებს ეძებთ? გსურთ იხილოთ ფრინველთა მიგრაციის საოცარი სანახაობა, დალაშქროთ საუცხოო ადგილები, ითხილამუროთ, განიცადოთ წყალქვეშა სამყარო, ნახოთ ულამაზესი ტბები, უფსკრულები  და ჩანჩქერები, თუნდაც ერთი დღით მოირგოთ მეჯოგეების, ფერმერთა ამპლუა?!- ყველაფერ ამას ამ მხარეში იპოვით!