ოდიშის სამეფოს სასახლეებში აღმოაჩენთ დიდი ცივილიზაციის ფესვებს, გაიგებთ, რომ სწორედ აქაა მართლმადიდებელთა უდიდესი სიწმინდე- ღვთისმშობლის შესამოსელი, მუზეუმებში წააწყდებით უამრავ საინტერესო ექსპონატს, ზუგდიდში იხილავთ უნიკალურ ბოტანიკური ბაღს.

აქ იმართება დიდი დღესასწაულები ვლაქერნობა და კვირიკობა, ელექტრონული მუსიკის ფესტივალი, სპორტულ-გასართობი სანახაობები-მარულა, ხინტკირია, ბაზიერთა  ქორ-შევარდენ-მიმინოთი ნადირობა.

ანტიკურ ხანაში სამეგრელო კოლხეთის სამეფოს ნაწილს წარმოადგენდა. კოლხეთი მთლიანად მოიცავდა დღევანდელი დასავლეთ საქართველოს ტერიტორიას. თანამედროვე ეპოქამდე ამ რეგიონს ლაზიკის და ეგრისის სახელწოდებებითაც იცნობდნენ, მისი პოლიტიკური ცენტრი არქეოპოლისი (ან ნოქალაქევი) იყო. სწორედ ნოქალაქევს უკავშირდება არგონავტებისა და ოქროს საწმისის მითი.