ცაიში მთაგორიანი ადგილია, გამორჩეული სამკურნალო თერმული წყლებითა და ბუნების სილამაზით. ერთ-ერთ ბორცვზე დგას უძველესი, XIII-XIV საუკუნეების, ღვთისმშობლის მიძინების სახელობის ტაძარი, რომელიც უძველესი ეკლესიის ნანგრევების ფრაგმენტებზეა დაშენებული. ცაიშში, საქართველოს ერთ-ერთი პირველი საეპისკოპოსო კათედრა, ჯერ კიდევ VII საუკუნიდან ფუნქციონირებდა.

ცაიში მიმზიდველი ადგილია არქეოლოგიით დაინტერესებული ადამიანებისთვის, რადგან აქ აღმოჩენილი, ძველი წელთაღრიცხვის VII-VIII საუკუნის სამაროვანი სამარხი, კვლავ უამრავ საიდუმლოს ინახავს!