შესვლა

ან

ციხე-გოჯი

ერთ დროს, ძლევამოსილი, ოქრომრავალი კოლხეთის სამეფოს ნაშთებს, ციხე-გოჯის ნანგრევებში იპოვით. ქრისტეშობამდე III საუკუნეში აგებული ციხე-ქალაქი დღესაც მნახველთა აღფრთოვანებას იწვევს.

სენაკის მუნიციპალიტეტში მდებარე, ნოქალაქევის არქეოლოგიური მუზეუმ-ნაკრძალი, ადრეული შუა საუკუნეების მრავლისმეტყველი მოწმეა.

აქ ნანგრევებიც კი დიდებულია- თუ ქიმერები აიშლებიან, თვალნათლივ დაინახავთ, როგორ იჭრება აქ პირველი კოლხური მონეტა- კოლხური თეთრი! დიახ, თქვენ ძველი წელთაღრიცხვის VI საუკუნეში მოგზაურობთ! ხედავთ, როგორ ამოიმართება თქვენ წინ ამავე ეპოქის გრანდიოზული ტაძარი- ორმოცი წმინდა მოწამეს უძველესი ქრისტიანული ეკლესია!..

ეს ადგილი ნამდვილი ოაზისია მკვლევარებისა და სიძველის მოყვარულთათვის!

იჩქარეთ- აღმოაჩინეთ ელინისტური ხანის ორმო და ქვევრსამარხები, ოქროსა და ბრინჯაოს ხელთუქმნელი ნივთები, გასაოცარი კერამიკული ქანდაკებები!

ღონისძიებები

26 - October 2019
ეგრისობა
address ციხე-გოჯი

სახალხო დღესასწაული ნოქალაქევის არქეოლოგიურ-არქიტექტურული მუზეუმ-ნაკრძალის ტერიტორიაზე იმართება. დღის განმავლობაში ტარდება სხვადასხვა აქტივობები: შეჯიბრება არამატერიალური კულტურული მემკვიდრეობის ძეგლების ნუსხაში შესულ ცხენოსნობის სახეობებში - ისინდი, ცხენბურთი და მარულა, ეთნოგრაფიული კუთხეების გამოფენა, ხალხური რეწვის ნიმუშებისა და ადგილობრივ შემოქმედთა ნახატების გამოფენა, საპატიო სენაკელების დაჯილდოების ცერემონიალი, გალა-კონცერტი და სხვა. დღესასწაული, რომელიც 2013 წელს, 26 წლიანი პაუზის შემდეგ აღდგა, ყოველი წლის შემოდგომაზე იმართება.

arrow
arrow

პარტნიორები