სოფელი დიდი ჭყონი უნიკალური ჩაის პლანტაციებით იყო განთქმული. საბჭოთა კავშირის ჩაით მომარაგება დიდწილად სწორედ აქედან ხორციელდებოდა. თუ მივიწყებული კულტურის აღორძინების მაგალითი გაინტერესებთ, დიდი ჭყონში არსებული ჩაის საწარმო თქვენთვის შესაფერისი ადგილია. აქ გულითადად გიმასპინძლებენ ნატურალური ჩაით და გაგიმხელენ მეგრული ჩაის უნიკალური გემოების მიღების ტექნოლოგიას.