ადრინდელი შუა საუკუნეების უმნიშვნელოვანესი კულტურულ-საგანმანათლებლო და რელიგიური ცენტრი მარტვილთან  ახლოს, მთის თხემზე მდებარეობს. გადმოცემით, აქ წარმართები დიდ მუხის ხეს (მეგრულად ,,დიდი ჭყონი“), დედისერთა ჩვილ ბავშვებს  მსხვერპლად სწირავდნენ, საიდანაც წარმოდგება ადგილის სახელწოდება. მონასტერში არის დაკრძალული სამეგრელოს უკანასკნელი დედოფალი ეკატერინე დადიანი და სამთავროს დიდგვაროვნები.